Чи мэдэх үү?

Чи санаж байна уу
Бид хоёр хөтлөлцөөд хамт алхаж байсныг
Чи мэдэх үү
Би чамайг хардаг байсныг

Чи санадаг уу
Би чамайг анх хэзээ үнссэнийг
Чи анзаарсан уу
Би чамд сайн байсныг

Урьд нь чи бас би
Ертөнцийн хоёр захад
Хориотой мэт оршдог байлаа
Одоо харин хамтдаа
Хил залган тусгаар тогтножээ

Чи минь яг л
Бүлээн устай бассейн шиг
Халууцхад сэрүүцүүлж
Даархад дулаацуулдаг
Чи минь яг л
Гадаах задгай бассейн шиг
Цэв цэнхэр
Тув тунгалаг

Чи санаж байна уу
Цэв цэнхэр усанд
Тэврэлдээд хамт сэлж байсныг
Чи мэдэх үү
Тув тунгалаг царайг чинь
Тэхэд л анх олж харсныг...