Эхлэл | Өрнөл | Төгсгөл | Таавар таалгая

Sunday, February 13, 2011

Хөгжим бүжгийн ойролцоо



Тэнгисийн эрэг дээрх нойтон чулуу шиг
Том нүд дэргэдүүр өнгөрөхөд...
Тэнгисийн эрэг дээрх нойтон чулуу шиг ч биш
Тэр нүд дэргэдүүр өнгөрөхөд...
Хоёр харц сая л нэг уулзаж
Хотын гудамж гэв гэнэт
Хоосон хүнгүй болчихсон.
Арван найм хоногтой муужгайнх шиг
Цийлэгнэсэн нүднээс хагацахад...
Арван найм хоногтой муужгайнх шиг ч биш
Тэр нүд харагдахаа больход...
Араас чинь би ширтээд л хоцорсон
Гуя чинь булчинлаг, бүжигчнийх шиг
Гунхахад чинь тэвчээрийн завь дайвалзах мэт болсон
Үс чинь гал улаан, тэгээд бас
задгай, долгионтой
Өдөр бүр чамтай энэ гудамжинд зөрөхсөн гэж бодсон
Өрөвдөх мэт эсвэл ямар нэгийг хүсэх мэт нойтон нүдний араас
Үгээр уйлаад л би үлдсэн.
Хотын гудамж гэв гэнэт
Хаа сайгүй хүнээр дүүрчихсэн.

Яаж ч чадалгүй халаасаа тэмтрэн
Янжуур асааж, санаа алдаж
Би яг л шатаж байгаа мод шиг уугиад л
Битгий яваач гэж амандаа бувтнан
Би зогсоод л...
Чи яваад л...
Хөгжим бүжгийн ойролцоох
Бид хоёрын зөрсөн гудамжаар
Хүмүүс алхаад л...



1 comment: